Gjatë natës dhe orëve të mëngjesit në Kosovë pritet kthjellim i pjesshëm i motit, por edhe vranësirat do të mbesin prezente herë pas here.
Të shtunën në Kosovë pritet të kemi mot në përmirësim i sipër, megjithatë përpos intervaleve kohore me diell, priten vranësira dhe orëve të pasdites edhe mundësi për ndonjë rrebesh lokal shiu me ndonjë vetëtimë dhe bubullimë. Temperaturat minimale nga 2 deri në 5 gradë celsius, por mund të ulen deri në 0 gradë Celsius në disa vise kodrinore-malore varësisht nga kohëzgjatja e kthjellimit mund të ketë edhe ngrica kryesisht të dobëta. Gjatë ditës rritje e temperaturave maksimale nga 14 deri në 17 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi e shtuna sjellë mot me vranësira e intervale kohore me diell. Mëngjesi ma acar në veri të Malit të Zi dhe thellë në veri të Shqipërisë. Vende-vende do të ketë reshje apo rrebeshe afatshkurtra shiu me ndonjë vetëtimë dhe bubullimë të rrallë. Në viset më të larta malore do të ketë ende ndonjë reshje bore.
Të Dielen na pret mot më i ngrohtë dhe me më shumë diell, por do të ketë edhe vranësira të pakta lokale dhe ndonjë reshje e izoluar.
Java e ardhshme më e ngrohtë, ndërsa të Hënën pasdite dhe në mbrëmje në Kosovë pritet destabilizim i atmosferës me rrebeshe lokale shiu me vetëtima dhe bubullimë./MeteoBallkan
