Cikloni nga veriu i Italisë po vjen në drejtim të Ballkanit duke shkaktuar destabilizim mjaft të fuqishëm të atmosferës.
Për shkak të atmosferës mjaft jo-stabile stuhi të fuqishme priten në shumë shtete ballkanike, por edhe në shumë pjesë të Italisë.
Stuhitë kanë filluar në pjesë të Bosnjës dhe Hercegovinës dhe Serbisë, ndërsa zhvillime për momentin më të pakta ka që nga Sllovenia, Kroacia, pastaj Maqedonia Veriore dhe në disa pjesë të Shqipërisë.
Gjatë pasdites dhe mbrëmjes priten zhvillime më të fuqishme që nga Sllovenia, Kroaica, Bosnja dhe Hercegovin, Serbia, Shqipëria dhe vende-vende edhe në Kosovës dhe Maqedoninë Veriore. Reshjet nuk do të kapin të gjitha viset, por vende-vende mund të ketë rrebeshe mjaft intensive dhe mund të krijohen edhe disa shtrëngata të fuqishme të izoluara, me rrebeshe intensive, vetëtima dhe bubullima më të theksuara dhe breshër.
Sipas disa modeleve reshjet më të fuqishme priten që nga Dalmacia e Kroacisë, Hercegovina, jugu i Malit të Zi, pastaj veriperëndimi i Shqipërisë deri në pjesë qendrore. Në viset tjera stuhitë eventuale parashihen të jenë paksa më të izoluara, por disa nga to mund të jenë të fuqishme.
Në viset tona Të Enjten dhe të Premten do të jetë pak më ngrohtë, por gjithnjë do të ketë gjasa për rrebeshe lokale të shiu me vetëtima dhe bubullimë sidomos të Enjten, por këto do të jenë më të izoluara.
Fundjava pas një përmirësimi të shkurtër vjen me reshje e rrebeshe të reja shiu sidomos nga pasditja ose mbrëmja e së Shtunës./MeteoBallkan
