Një javë mjaft e nxehtë këtë fillim-Qershori muaji i parë i verës klimatologjike dhe po ashtu edhe asaj astrononike që fillon me 21 Qershor.
Fillimi i muajit konçidoi me stabilizim të plotë të motit dhe rritjen graduale të temperaturave dhe tani kemi fillimin e valës së parë tropikale me temperatura që arrijnë në 30 gradë Celsius dhe që zgjasin më shumë se tri ditë.
Java ka filluar e nxehtë dhe me diell dhe kështu do të vazhdojë me rritje të mëtutjeshme të temperaturave si në Kosovë, po ashtu në Shqipëri, Maqedoninë Veriore, Luginë të Preshevës dhe Mal të Zi. Në të gjitha viset do të kemi një javë mjaft të nxehtë verore. Fillimisht mund të kemi disa zhvillime të disa vranësirave lokale, por zhvillime dhe mundësi për ndonjë rrebesh lokal shiu do të ketë vetëm në disa zona malore të viseve tona.
Duke filluar nga dita e Enjte zhvillime të stuhive të izoluara mund të ketë edhe në disa vise tjera më të ulëta mbidetare.
Pra, deri të Enjten atmosfera do të jetë pothuajse tërësisht stabile me mundësi për ndonjë destabizim të izoluar vetëm në disa zona malore. Të Enjten orëve të pasdite mund të ketë destabilizim më të përhapur të atmosferës, por ende mbesin zhvillime të izoluara. Për shkak të temperaturave të larta zhvillimet konvektive mund të sjellin breshër në zonat ku ato zhvillohen, por të gjitha mbesin me karakter lokal dhe të izoluar sepse më shumë pjesë të viseve tona nuk do të ketë fare zhvillime. (Detaje për këto zhvillime potenciale gjatë ditëve të ardhshme).
Për të mos e zgjatur më shumë, para nesh një javë mjaft e nxehtë, me destabilizime lokale të mundshme nga e Enjta e tutje orëve të pasdites eventualisht mbrëmjes. Temperaturat shënojnë rritje nga dita në ditë duke arritur vlerat maksimale deri në 35 gradë Celsius.
Edhe dita e Festës së Bajramit dhe Fundjava do të jenë mjaft të nxehta, por me mundësi për disa zhvillime orëve të pasdites./MeteoBallkan
