Në kulmin e vapës, ku temperaturat brenda makinës mund të shkojnë deri në 70 gradë celsius, një shkrepës e zakonshme mund të kthehet në një bombë të vogël. Një qytetar tregon për Alsat, se si u dëmtua makina e tij, pasi çakmaku shpërtheu brenda makinës si pasojë e temperaturave të larta.
Vetë mua më ka ndodhur, një shkrepës më ka plas e ka thyer xhamin, kisha thënë të kenë kujdes të mos lënë, se vjen edhe deri të ndezja, sidomos tani që po ndizen makinat e reja, nuk ka lidhje pse e re, edhe e vjetër po të jetë, shkrepës e ndez… Të mos e teproj, por mendoj se arrin deri në 60 gradë, ndoshta edhe 70 se plas, tha një qytetar.
Ky nuk është rast i izoluar, dhe përveç çakmakut, në makinë nuk duhet të lihen as dezodorantë e parfume, të cilat paraqesin rrezik zjarri. Pastaj, telefonat laptopët bateritë portative, nëse lihen në makinë mund të mbinxehen, dëmtohen, e madje edhe të shpërthejnë. Në mjet shpërthyes mund të shndërrohet edhe një pije në kanaçe apo shishe plastike. Qytetarët thonë se mundohen të kenë kujdes ku dhe si i parkojnë veturat në temperatura të larta.
“Ndonjëherë e harroj kështu, e di se nuk duhet të lihet, sepse mund të eksplodojë…
Sa mendoni se rritet temperatura në veturë kur hyni?
60,70,80 thuaj mos u frikëso aspak,“ tha një tjetër qytetar, u shpreh një qytetar.
“Ndonjëherë po, por i largoj menjëherë…
Sa mendoni se arrit temperatura brenda në makinë, nëse është e parkuar në diell?
Mendoj se diku deri në 50 gradë,” – qytetar.
Ekspertët rekomandojnë që gjatë parkimit të përdoren mbulesa dielli për dritare, pasi brenda vetëm 10 minutash, temperaturat brenda makinës rriten deri në 20 gradë Celsius më shumë se jashtë.
