Nesër në Kosovë pritet të mbajë mot me diell dhe jashtëzakonisht i nxehtë. Pasdite vonë priten disa vranësira dhe rrallë në ndonjë zonë malore mund të ketë ndonjë rrebesh të shkurtër shiu. Temperatura maksimale pritet të arrijë deri në 40 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me diell dhe jashtëzakonisht i nxehtë. Temperaturat në shumë zona do të arrijnë deri në 40 gradë Celsius, ndërsa mund të tejkalojnë këtë shifër në vendet më të nxehta të rajonit.
E Shtuna definitivisht sipas modeleve kryesore do të jetë më e nxehta me kulminacionin e nxehtësisë së kësaj vale të fuqishme. Temperaturat në Kosovë mund të shkojnë pak mbi 40 gradë Celsius dhe nuk përjashtohet mundësia të thyhet ndonjë rekord. Pasdite në disa vise malore priten zhvillime konvektive me rrebeshe lokale shiu me vetëtima dhe bubullimë.
E Shtuna do të jetë ekstremisht e nxehtë edhe në Shqipëri, Maqedoni dhe më gjerë në rajon. Priten disa zhvillime pasdite në viset malore, ndërsa intensifikohen erërat e nxehta jugore.
Të dielën ulje e temperaturave përafërsisht për 10 gradë apo në ndonjë zonë më shumë më ulët se ditën paraprake. Vende-vende priten rrebeshe dhe stuhi lokale me bubullimë, kryesisht në veri të Shqipërisë, veri të Maqedonisë së Veriut, Mal të Zi dhe shumë pjesë të Republikës së Kosovës, por prapë nuk pritet shi në të gjitha viset./MeteoBallkan
