Të Martën në Kosovë pritet të mbajë mot kryesisht i vranët dhe me reshje të herëpashershme lokale shiu. Vende-vende priten reshje në formë të rrebesheve lokale me vetëtima dhe bubullimë, ndërsa në orët e hershme të mëngjesit mund të ketë reshje më intensive shiu me ndonjë vetëtimë dhe bubullimë. Gjatë ditës priten edhe intervale kohore me diell në disa rajone.
Temperaturat do të shënojnë ulje dhe ato maksimale do të lëvizin nga 24 deri në 28 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi e marta sjellë diell dhe vranësira e reshje lokale shiu. Reshjet do të jenë të pakta, përpos orëve të hershme të mëngjesit në Shqipëri lokalisht priten stuhi lokale dhe rrebeshe më intensive. Temperaturat do të shënojnë ulje në tërë rajonin.
Moti relativisht i freskët do të vazhdojë edhe të mërkurën dhe të Enjten me reshje lokale shiu dhe rrebeshe të izoluara me vetëtima dhe bubullimë, kryesisht në disa zona të Kosovës dhe viset kodrinore-malore të Shqipërisë dhe Maqedonisë së Veriut. Në viset bregdetare kryesisht me diell dhe pa reshje me ndonjë përjashtim./MeteoBallkan
