Sonte dhe nesër në Kosovë do të mbajë mot kryesisht i vranët, vende -vende me reshje shiu e bore, varësisht nga lartësia mbidetare dhe temperaturat. Sot reshjet më të dendura ishin në perëndim dhe veriperëndim të Kosovës, kurse nesër reshjet do të koncentrohen kryesisht në juglindje të Kosovës. Nuk priten reshje të mëdha. Gjithashtu do të ketë edhe intervale të gjata kohore pa reshje atmosferike.
Reshjet më të dendura gjatë ditës së nesërme priten në juglindje, lindje dhe jug të Shqipërisë dhe territorin e Maqedonisë. Në viset e ulëta priten reshje shiu, kurse në viset malore reshje bore.
Mot i ndryshueshëm na pret edhe ditëve të ardhshme, me reshje të shpeshta lokale atmosferike, ku do të kemi kryesisht reshje shiu, por me uljen e temperaturave ka gjasa që reshjet e borës të paraqitën prapë herë pas here. Reshjet më të pakta priten në Rafshin e Kosovës, megjithatë kjo mund të ndryshojë sepse jemi vazhdimisht nën ndikimin e masave ajrore jostabile që vijnë nga Atlantiku dhe Mesdheu dhe në këto raste modelet nuk mund të “lexojnë” me saktësi 100 për qind vendin se ku do të ketë reshje sidomos në afat pak më të gjatë. Sidoqoftë, ne do tju inforomojmë me kohë për çdo eventualitet në postimet tona të ardhshme.Meteoballkan
