Prilli në Kosovë fillon i ftohtë dhe me shumë vranësira e reshje të lokalizuara. Pasdite nesër pritet që reshjet e shiut të përfshijnë gati tërë Kosovën e në viset malore priten reshje bore.
Temperaturat pritet të lëvizin nga 1 minimalja deri në 10 ajo maksimale.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot plotësisht i vranët e me reshje të shpeshta shiu. Në viset malore do të vazhdojnë herë pas here reshjet e borës.
Reshjet do të rifillojnë në jug të Shqipërisë dhe jug të Maqedonisë së Veriut dhe pastaj do të përhapen në tërë rajonin duke arritur edhe në Kosovë orëve të pasdites dhe mbrëmjes.
E Enjtja pritet të nën ndikimin e ciklonit të fuqishme në Detin Jon dhe Egje dhe si pasojë pritet një ditë e zymtë, plotësisht e vranët dhe me reshje të shpeshta shiu. Vende-vende priten reshje më intensive shiu sidomos në Maqedoninë Veriore e pjesë të Republikës së Kosovës. Në viset malore reshje bore.
Reshje lokale shiu e bore në viset malore do të ketë edhe të premten, eventualisht edhe të shtunën. Nga e diela fillon të paraqitet pranvera e vërtetë, por mëngjesi i së dielës mund të sjellë ngrica lokale për shkak të kthjellimit të motit, por të shpresojmë që ngricat nuk do të jenë të forta./MeteoBallkan
