Të hënën në Kosovë pritet të kemi mot të ngrohtë pranveror dhe kryesisht me diell dhe me mundësi për vranësira të pakta lokale.
Temperatura minimale parashihet të zbres deri në 4 gradë Celsius, kurse ajo maksimale pritet të arrijë deri në 24 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me diell dhe vranësira të pakta lokale. Pasdite në jug dhe juglindje të Shqipërisë parashihen zhvillime të vranësirave konvektive që mund të kushtëzojnë rrebeshe të izoluara shiu me vetëtima dhe bubullimë.
Mot i ngjashëm na pret edhe të martën, ngrohtë me diell dhe vranësira të pakta lokale, megjithatë orëve të pasditës vranësirat mund të marrin karakter zhvillimi dhe të kushtëzojnë rrebeshe të izoluara shiu me vetëtima dhe bubullimë kryesisht disa viseve kodrinore-malore.
Të mërkurën në Kosovë pritet ndryshim i motit dhe ulje e temperaturave si dhe reshje lokale shiu, ndërsa në Shqipëri vazhdon motit i ngrohtë. Të enjten në Kosovë mot i ftohtë vjeshtor si dhe në viset kontinentale të Shqipërisë dhe në Maqedoninë Veriore. Ndjeshëm më ngrohtë do të jetë në viset mesdhetare të Shqipërisë. Në viset e larta malore do të paraqiten reshjet e borës./MeteoBallkan
