Nesër në Kosovë pritet të mbajë mot kryesisht i vranët dhe me mundësi për riga lokale shiu. Pasdite dhe në mbrëmje pritet që reshjet e shiut të përfshijnë tërë territorin e Republikës dhe lokalisht mund të ketë reshje më intensive në formë të rrebesheve.
Temperaturat parashihet të lëvizin nga 10 minimalja deri në 21 gradë Celsius ajo maksimale.
Në Shqipëri nesër pritet të mbajë mot mjaft jo-stabil, me vranësira të dendura dhe reshje të shpeshta shiu e në jug të vendit do të ketë kushte edhe zhvillime të stuhive lokale të shiut me vetëtima dhe bubullimë. Disa shtrëngata mund të jenë të fuqishme dhe të sjellin rrebeshe mjaft intensive shiu me vetëtima dhe bubullimë. Pasdite dhe në mbrëmje rrebeshe shiu edhe në veri të Shqipërisë lokalisht intensive.
Rreshje shiu nesër pasdite priten edhe në Maqedoninë Veriore, Luginë të Preshevës dhe Mal të Zi.
Edhe dita e shtunë pritet të kushtëzojë vranësira të shpeshta dhe reshje e rrebeshe lokale shiu duke mos përjashtuar edhe ndonjë bubullimë, por gjatë ditës do të ketë edhe intervale kohore me diell.
Mot më i ngrohtë dhe me më shumë diell na pret të dielën, megjithatë nuk përjashtohet mundësia për ndonjë reshje të izoluar./MeteoBallkan
