Mbi 100 fermerë nga Lipjani, Komorani, Drenasi dhe Skenderaj kanë protestuar duke hedhur qumështin në lumë, pasi sipas tyre, kompanitë grumbulluese ua kanë ulur çmimin e qumështit.
Fermerët thonë se çmimi është zbritur nga 45 cent në rreth 27-30 cent për litër, gjë që sipas tyre po ua vështirëson mbijetesën dhe mbulimin e shpenzimeve të prodhimit.
Në një mbledhje të Bordit Drejtues të Shoqatës së Prodhuesve të Qumështit të Kosovës, është diskutuar gjendja në sektorin e qumështit, e cila po karakterizohet nga mosgrumbullimi i sasisë së prodhuar dhe ulja e çmimit të qumështit për rreth 30%/Kështu është bërë e ditur nga Shoqata e Prodhuesve të Qumështit të Kosovës.
Përmes një shkrimi publik, është theksuar se, prodhuesit e qumështit janë duke u përballur me vështirësi në plasimin e produktit të tyre në treg.
“U konstatua se situata është shumë e vështirë si pasojë e mosgrumbullimit të një sasie të qumështit të prodhuar, si dhe uljes së çmimit të qumështit për rreth 30%”- shkruan shoqata.
