Një masë ajrore mjaft e nxehtë me origjinë nga veriu dhe veriperëndimi i Afrikës do të përfshijë pjesën më të madhe të Evropës jugperëndimore dhe pjesë të Evropës perëndimore, qendrore dhe veriperëndimore.
Kjo valë nxehtësie do të sjellë verën e vërtetë në Spanjë, Portugali, Francë dhe pjesë të Gjermanisë e Britanisë së Madhe gjatë fundjavës e sidomos gjatë javës së re me shtirje më të gjerë, ndërkohë që temperaturat po rriten gradualisht edhe në Ballkan, por jo të theksuara dhe jo sidomos në trojet tona po pengohen nga masat e freskëta dhe jo-stabile që po sjellin erëra dhe reshje të pakta lokale. Megjithatë moti do të stabilizohet edhe te të hënën për tu destabilzuar të mërkurën mbrëma.
Pra, në viset tona përkundër rritjes së temperatruave nxehtësia pritet të ndërprehet shpeshherë nga masa më të ftohta dhe fronte të ftohta nga veriu.
Muaji maj deri tani ishte mjaft i freskët në viset tona, pak më i ngrohtë në perëndim të Evropës, por prapë mbetet i freskët dhe kjo priten të ndryshojë.
Rrebeshe të izoluara dhe vranësira priten deri të hënën në viset tona. Reshjet do të jenë kryesisht të pakta me ndonjë përjashtim. Në disa zona do të ndodhin stuhi afatshkurtra, të izoluara.
Në Evropë Spanja do të jetë më e nxehta, ndërsa nxehtësia do të përfshijë edhe Britaninë e Madhe sidomos jugun me temperatura mbi 30 gradë Celsius. Po ashtu edhe Franca do të jetë mjaft e nxehtë dhe perëndimi i Gjermanisë. Nxehtësia afrikane do të përfshijë edhe Italinë dhe nganjëherë edhe pjesë të Shqipërisë, sidomos zonat mesdhetare.
Sistemi i ajrit të nxehtë do të pozicionohet në jugperëndim dhe perëndim të Evropës do të mbetet për shumë ditë. Është e pa qartë se sa do të zgjasë.
Pjesë nga kjo nxehtësi nganjëherë do të përfshijnë edhe pjesë të Ballkanit për tu ndërprerë herë pas here nga fronte të ftohta dhe stuhi kalimtare.
Sidoqoftë, gjendja sinoptike është në evoluim e sipër dhe ne do të jemi aktiv në përditësimet e ardhshme me informacione të freskëta.
Në fund të theksojmë se se kjo valë nxehtësi nuk do të prekë viset tona ashtu siç dëshirojmë dhe do të pengohet shpeshherë, por kjo mund të ndryshojë me evoluimin e gjendjes sinoptike. Me rëndësi që temperaturat do të rriten dhe edhe ne do ndjejmë efektin e kësaj mase mjaft të nxehtë ajrore por asesi jo sikur Evropa perëndimore e jugperëndimore.
