Nesër në Kosovë parashihet të kemi mot me diell dhe vranësira lokale si dhe me mundësi për ndonjë rigë ose rrebesh të izoluar shiu vetëm në disa rajone.
Temperaturat parashihet të lëvizin nga 13 deri në 28 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me diell dhe në disa rajone me vranësira lokale, ndërkohë që rrallë në disa rajone priten zhvillime të rrebesheve të izoluara me ndonjë vetëtimë dhe bubullimë. Në përgjithësi atmosfera do të jetë më stabile me ndonjë përjashtim.
Nga e Premtja prapë rritje e temperatruave dhe priten periudha të gjata me diell, por megjithatë atmosfera nuk do të jetë tërësisht stabile. Gjithnjë do të ketë gjasa për ndonjë rrebesh të izoluar shiu me vetëtima dhe bubullimë si të premtën edhe gjatë fundjavës e sidomos të dielën pasdite.
Ishte paraparë që fundjava të jetë plotësisht stabile, por një ndryshim i vogël dhe përpos peiudhave të gjata me diell do të ketë gjasa për zhvillime të rrebesheve të izoluara pak më të theksuara të dielën pasdite.
Këto zhvillime do të mbesin të izoluara dhe shumica e territoreve do të mbesin pa reshje deri në ndonjë destabilizim më të fortë në një të ardhme jo shumë të largët./MeteoBallkan
