Sot në Kosovë pritet të kemi mot mjaft të paqëndrueshëm, me diell dhe zhvillime të shpeshta të vranësirave konvektive të cilat pritet të kushtëzojnë rrebeshe lokale shiu me vetëtima, bubullimë dhe mundësi për breshër,. Vende-vende priten mundësi për furtuna të fuqishme kalimtare.
Temperaturat mund të pësojnë ulje të lehta e në zonat me stuhi shiu e vranësira ulje më të theksuara, por ende mbetet nxehtë në zonat me diell. Minimalja parashihet rreth 15 gradë Celsius, kurse maksimalja deri në 31 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi e martja pritet të kushtëzojë mot me diell dhe zhvillime të fuqishme konvektive orëve të pasdite. Këto zhvillime pritet të kushtëzojnë rrebeshe lokale shiu me vetëtima, bubullimë dhe mundësi për breshër e në disa rajone parashihen shtrëngata të fuqishme kalimtare.
Mot mjaft jo-stabil parashihet të mbajë edhe të mërkurën.
Nga e enjta pak më stabile gjendja në zonat veriore të Shqipërisë dhe Kosovës, megjithatë masata ajrore jo-stabile mund të jenë ende aktive në jug të Shqipërisë, Maqedoninë Veriore dhe në pjesë të Kosovës jugore e lindore kur ende priten stuhi të izoluara shiu./MeteoBallkan
