Masa të ngrohta ajrore nga Mesdheu dhe masat jo-stabile ajrore nga veriu po ndeshen në rajonin tonë duke stimuluar krijimin e stuhive të izoluara, por intensive në disa pjesë të territoreve tona.
Java nisi e nxehtë, por orëve të pasdites së të hënës pati zhvillime të fuqishme konvektive si edhe orëve të pasdites së të martës.
Përkundër stuhulive të izoluara temperaturat ishin mjaft të larta, por atmosfera ishte mjaft e rëndë për shkak të vlerave të larta të lagështisë së ajrit apo dendësia e ajrit.
E Mërkura:
Mot shumë jo-stabil pritet të kemi edhe ditën e tretë të javës, gjegjësisht tani kur po e punojmë këtë postim me pak vonesë. Madje mund të ndodhë që dita e sotme të jetë më e stuhishmja, ngase orëve të pasdites parashihet krijimi i disa stuhive mjaft të fuqishme të izoluara që do të shkaktojnë destabilizim masiv të atmosferës.
Vende-vende priten rrebeshe mjaft intensive dhe gjasa për breshër. Nuk përjashtohet mundësia të ketë vërshime të shpejta në lokacione të caktuara. Kjo vlenë për të gjitha viset tona sidomos për Kosovë, shumë vise të Shqipërisë e Maqedonisë së Veriut.
Nga e enjta atmosfera do të jetë pak më stabile por jo domosdoshmërisht. Mbetjet e ajrit jo-stabil do të jenë ende aktive dhe parashihen zhvillime të rrebesheve të izoluara të shiut me vetëtima dhe bubullimë. Pak më stabile do të jetë atmosfera në veri të rajonit, pra pjesë të Kosovës nga veriu e pjesë të Shqipërisë po ashtu nga veriu, por atmosfera do të jetë mjaft e paqëndrueshme ende në pjesë të Maqedonisë së Veriut dhe sidomos në juglindje e lindje të Shqipërisë ku ende priten stuhi intensive të izoluara.
Madje, edhe dita e Premte mund të prodhojë stuhi të fuqishme në ato vende në Shqipërinë juglindore, lindore e rajonet afër si dhe në pjesën më të madhe të Maqedonisë së Veriut. Disa zhvillime do të përfshijnë edhe Kosovën në rajonet ku kufizohen me Maqedoninë Veriore. Zhvillime më të izoluara priten në viset tjera.
Fundjava vjen më e qetë për të gjitha viset, megjithatë ende do të ketë mbetje të ajrit jo-stabil, prandaj nuk do të duhet të befasoheshim me disa zhvillime konvektive të izoluara, por në përgjithësi pritet mot më stabil, me rritje të temperaturave dhe me diell.
Temperaturat do të shënojnë rritje në të gjitha viset dhe kemi të bëjmë me ajrin shumë të ngrohtë që vjen nga vala e nxehtësisë në Evropë, por nxehtësia nuk do të jetë aq shumë ekstreme sikur në Evropën perëndimore edhe pse nuk duhet të nënvlerësohet.
Pra, para nesh disa ditë të javës mjaft jo-stabile sidomos e mërkura në të gjitha viset, ndërsa e enjtja po ashtu por më shumë për rajone të caktuara në Shqipëris e Maqedoninë Veriore duke mos anashkaluar edhe Kosovën.
Të premtën më qetë në Kosovë, por vazhdon jo-stabiliteti atmosferik në Maqedoninë Veriore e Shqipëri.
Fundjava me diell, me e nxehtë dhe me zhvillime të izoluara të ndonjë stuhie apo rrebeshi krejtësisht të izoluar./MeteoBallkan
