Sot në Kosovë pritet të mbajë mot me diell dhe vranësira lokale. Do të jetë mjaft nxehtë, ndërsa orëve të pasdites parashihen rrebeshe afatshkurtra, lokale shiu me vetëtima dhe bubullimë.
Temperaturat do të rriten dhe mimimalja parashihet rreth 15 gradë Celsius, kurse ajo maksimale deri në 33 gradë Celsius.
Në Shqipëri pritet të mbajë mot me diell dhe vranësira lokale. Do të jetë mjaft nxehtë, por edhe mjaft jo-stabil në shumë pjesë të Shqipërisë priten rrebeshe të izoluara shiu me vetëtima, bubullimë dhe breshër, por jo në të gjitha viset.
Rrebeshe të izoluara priten edhe në Maqedoninë Veriore, Luginë të Preshevës dhe Mal të Zi, por dominante do të jenë rrezet diellore.
Fundjava vjen mjaft e nxehtë, në Kosovë stabilizim pothuajse i plotë i atmosferës me rritje të mëtutjeshme të temperaturave. Temperaturat do të shkojnë deri në 34 gradë Celsius të shtunën, kurse të dielën deri në 35 apo ndoshta edhe 36 gradë Celsius. Rrallë në ndonjë rajon malor mund të ketë ndonjë zhvillim të izoluar konvektiv.
Fundjava edhe në Shqipëri dhe rajon do të jetë mjaft e nxehtë dhe kryesisht me diell. Pasdite disa viseve kodrinore- malore mund të ketë ndonjë stuhi të izoluar. Temperaturat do të rriten në shkallë rajoni.
Edhe fillimi i javës së re do të jetë shumë i nxehtë./MeteoBallkan/
