Nesër në Kosovë parashihet të mbajë mot me diell dhe vranësira lokale, por kryesisht i thatë dhe pa reshje atmosferike, megjithëse rrallë në ndonjë rajon mund të ndodhë ndonjë rigë ose rrebesh i shkurtër shiu.
Temperaturat parashihet të luhaten nga 17 minimalja deri në 33 gradë Celsius ajo maksimale.
Në Shqipëri nesër pritet të mbajë mot shumë i nxehtë dhe kryesisht me diell me temperatura deri në 38, apo 39 dhe 40 në ultësirat perëndimore. Pak më freskët në zonat kontinentale lindore ndërsa rrebeshe të izoluara shiu me vetëtima dhe bubullimë mund të zhvillohen në juglindje të vendit, madje intensive në disa rajone, por afatshkurtra.
Rrebeshe të izoluara parashihen edhe në disa pjesë të Maqedonisë së Veriut, kurse në Luginë të Preshevës dhe Mal të Zi parashihet mot i thatë, me diell dhe vranësira lokale. Temperaturat në rënie shumë të lehtë në viset kontinentale dhe pa ndonjë ndryshim në zonat mesdhetare.
Fillimi i javës së re me rritje të sërishme të lehta të temperaturave, por në Kosovë pa ndonjë ekstrem. Do të vazhdojë vapa normale verore, normalisht më intensive në pjesë të Shqipërisë dhe Maqedonisë së Veriut. Rrebeshet do të jenë të rralla dhe të izoluara kryesisht në disa zona malore të Shqipërisë dhe Maqedonisë së Veriut. Në Kosovë thatë në të gjitha viset dy ditët e para të javës së re./MeteoBallkan
