Edhe pse jemi në muajin Prill reshje bore kanë përfshirë shumë pjesë të Afrikës Veriore dhe Afrikës Veriperëndimore. Ajri i ftohtë me origjinë Polare përmes Gadishullit Iberik ka depërtuar deri në Afrikë, duke shkaktuar reshje të dendura shiu, stuhi të fuqishme me vetëtima dhe bubullimë si dhe me uljen e temperaturave edhe reshje të dendura bore në viset malore, kurse reshje e borës kanë përfshirë edhe disa vise të ulëta duke përfshirë edhe pjesë të Shkretëtirës së Saharasë.
Reshjet e borës janë regjistruar në territorin e Marokut dhe Algjerisë.
Reshjet e borës në Sahara janë fenomen mjaft i rrallë edhe në mesin e dimrit e lëre më në Prill, megjithatë natyra vazhdon të na befasojë me ciklet e saj.
