Afër Detit Tiren përtej territorit italianë është krijuar cikloni më i ri në kuadër të shumë vurbullave ciklonike të cilat kohëve të fundit rrugëtuan nëpër Mesdhe. Edhe ashtu atmosfera mbi rajonin tonë është jostabile dhe me vranësira. Reshjet në këto momente kanë filluar në disa rajone të Shqipërisë, Malit të Zi, Hercegovinës, Kroacisë dhe Sllovenisë.
Me vorbullën ciklonike në Mesdhe dhe ajrin jostabil mbi rajon në vazhdim të ditës do të kemi destabilizim të fuqishëm të atmosferës. Po flasim në nivel rajonal Ballkanik. Stuhi të fuqishme priten në Kroaci, Bosnjë, Mal të Zi dhe Serbi, ku priten edhe rrebeshe mjaft të fuqishme lokale shiu me vetëtima dhe bubullima intensive, erëra të stuhishme dhe breshër. Këto fenomene do të jenë të karakterit lokal.
Rrebeshe lokalisht të fuqishme shiu me vetëtima dhe bubullimë pasdite priten edhe në shumë pjesë të Shqipërisë, Kosovës dhe Maqedonisë së Veriut, ndërsa në mbrëmje dhe gjatë natës në Kosovë priten reshje shiu./Meteoballkan
