Sot në Kosovë do të mbajë mot me intervale kohore me diell dhe vranësira paradite, kurse pasdite pritet të ketë zhvillim vranësirash me riga apo rrebeshe lokale shiu, vende-vende të shoqëruara edhe me vetëtima dhe bubullimë. Lokalisht do të ketë reshje të dendura.
Edhe në Shqipëri, Maqedoninë e Veriut dhe Mal të Zi pritet të ketë mot mjaft jostabil dhe kohë pas kohe me rrebeshe lokale shiu me vetëtima dhe bubullimë.
Të shtunën si në Kosovë, poashtu edhe në Shqipëri dhe Maqedoninë e Veriut do të vazhdojë moti jostabil. Do të kemi mot kryesisht me vranësira dhe kohë pas kohe me reshje shiu. Do të ketë edhe periudha kohore pa reshje atmosferike. Vende-vende pritet të ketë edhe rrebeshe lokale shiu me vetëtima dhe bubullimë.
Mot i ngjashëm në tërë rajonin pritet të mbajë edhe të dielën dhe të hënën, pra kryesisht me vranësira dhe kohë pas kohe me reshje shiu. Vende-vende ka mundësi që të ketë edhe rrebeshe lokale shiu me vetëtima dhe bubullimë./Meteoballkan
