Kështu duket atmosfera në shumë pjesë të Republikës së Kosovës në këto momente. Pra, kemi intervale kohore me diell dhe zhvillim vranësirash. Reshje dhe rrebeshe shiu për momentin kemi vetëm në disa rajone të izoluara.
Gjatë ditës dhe pasdite pritet zhvillim i mëtutjeshëm i vranësirave dhe vende-vende do të ketë edhe reshje shiu. Gjithashtu do të ketë edhe rrebeshe lokale shiu me vetëtima dhe bubullimë. Reshjet nuk do të jenë të barabarta, në disa rajone priten më shumë e në disa rajone tjera më pak, varësisht nga vendi ku zhvillohen vranësirat.
Kjo fotografi na tregon se atmosfera po mbushet me energji dhe pritet që të aktivizohet. Reshjet e këtyre ditëve ishin jashtëzakonisht të mirëseardhura pas thatësisë së muajve të kaluar, kurse reshjet e reja atmosferike gjithashtu do të jenë të mirëseardhura.
Reshje lokale shiu, rrebeshe me vetëtima dhe bubullimë do të ketë në tërë rajonin edhe sot, diku më shumë e diku më pak, kurse në ndonjë rajon mund të mos ketë fare. Kjo është natyra e reshjeve pranverore dhe verore./Meteoballkan
