Nesër në Kosovë do të mbajë mot kryesisht me diell dhe i nxehtë. Pasdite dhe në mbrëmje pritet të ketë shtim gradual të vranësirave, kurse gjatë natës do të fillojnë edhe reshjet e shiut. Reshjet e shiut do të zgjasin deri në mëngjes, kur pritet të ndërpritën. Do të ketë erëra mesatare, vende-vende edhe të fuqishme nga jugu dhe juglindja.
Në Shqipëri nesër mot me intervale kohore me diell, kurse në jug të vendit do të ketë më shumë vranësira. Pasdite dhe në mbëmje priten reshje shiu, fillimisht në jug dhe jugperëndim e pastaj gjatë natës në tërë territorin e Shqipërisë. Reshjet do ndërpriten në jug gjatë natës, kurse në viset tjera gjatë mëngjesit të së martës.
Edhe në Maqedoni dhe Mal të Zi nesër gjatë natës priten reshje shiu.
Të martën në Kosovë me vranësira por edhe me intervale kohore me diell. Herë pas here pritet të ketë erëra mesatare deri të fuqishme jugore, kurse në disa rajone priten edhe riga lokale shiu. Riga lokale shiu gjatë ditës së martë priten edhe në Maqedoni dhe Mal të Zi, ndërsa në Shqipëri do të mbetet kryesisht thatë.
Të mërkurën dhe të enjtën në tërë rajonin tonë pritet të kemi ngritje të ndjeshme të temperaturave si pasojë e depërtimit të masave të nxehta ajrore nga Afrika Veriore. Do të mbetet mot kryesisht me diell, me vranësira kalimtare dhe me mundësi për ndonjë rigë afatshkrutër dhe të lokalizuar shiu./Meteoballkan
