Ka filluar “zbarkimi”i ajrit polar në drejtim të Evropës. Nga Skandinavia fillimisht i ftohti do të përfshijë shtetet Batlike, pastaj ajri i ftohtë do të udhëtojë në drejtim të Anglisë, Gjermanisë dhe Francës. Pas uljes së ndjeshme të temperaturave mbi Evropën perëndimore dhe qendrore do të vije deri të ngritja e presionit atmosferik dhe kjo nënkupton se këto rajone do të jenë nën ndikimin e masave mjaft të ftohta polare dhe njëkohësisht masave të thata anticiklonike. Pikërisht kjo do të jetë rreziku më i madh nga acari në Evropen perëndimore dhe qendrore sepse priten disa netë të kthjellta si loti dhe kjo do të jetë një sfidë jashtëzakonisht e madhe për bujqit e Anglisë, Gjermanisë, Francës, Zvicrës dhe Austrisë.
Për fat të mirë tonin në Detin Adriatik gjegjësisht në Gjirin e Gjenovës në Italinë Veriore pas depërtimit të mases së ftohtë ajrore do të vije deri te krijimi i ciklonit Gjenovian. Pikërisht ky ciklon do të na sjellë vranësira të shumta por edhe reshje të herëpashershme atmosferike dhe këto vranësira do të shpetojnë Gadishullin Ballkanik nga acari eventual. Kjo nuk do të thotë asesi se nuk ka ndonjë rrezik potencial për ngrica.
Pas krijimit të ciklonit Gjenovian në drejtim të Kosovës, Shqipërisë dhe Maqedonisë fillimisht do të fillojnë të depërtojnë masa të nxetha ajrore, kurse njëkohësisht në drejtim të Evropes dhe Ballkanit verior dhe veriperëndimore do të depërtojnë masa të ftohta ajrore. Këto masa të ftota ajrore në Kosovë do të arrijnë tek ditën e hënë kur do të kemi ulje të temperaturave, reshje shiu si dhe reshje bore në viset kodrinore-malore.
Sigurisht se ende do të kemi ndryshime të vogla në parashikime dhe për çdo detaj ditëve të ardhshme do tju informojmë më me saktësi./Meteoballkan
