Reshje të dobëta deri mesatare shiu kanë filluar në shumë pjesë të Republikës së Kosovës. Reshjet do të vazhdojnë edhe në orët e mbrëmjes, ndërsa do të ndërpriten kah mbrëmja vonë. Në orët e mbrëmjes dhe natës në veriperëndim të Shqipërisë priten rrebeshe lokal shiu me mundësi edhe për vetëtima dhe bubullimë, kurse në Kosovë reshjet parashihet të ndërpriten. Nesër në tërë rajonin pritet mot i ndryshueshëm dhe me intervale të gjata kohore me diell. Do të ketë edhe ngritje të temperaturave. Gjatë ditës ose pasdite pritet zhvillim lokal të vranësira të cilat vende-vende mund të sjellin rrebeshe afatshkurtëra shiu.
Të shtunën ditë e vërtetë pranverore apo nëse mund të themi edhe verore sepse priten ngritje e theksuar e temperaturave, kurse të dielën priten reshje të dendura shiu si dhe rrebeshe lokale të fuqishme shiu me vetëtima dhe bubullimë, të cilat gjatë ditës do të fillojnë në Shqipëri, kurse pasdite vonë dhe në mbrëmje edhe në Kosovë. Informacione dhe detaje tjera më vonë në Meteoballkan.
