Webfaqja më e madhe meteorologjike amerikane Accuweather.com paralajmëron për ciklonin e fuqishëm i cili do të përfshijë Italinë dhe Gadishullin Ballkanik nga sonte ose nesër e tutje.
Ashtu siç paralajmëruar edhe ne disa ditë më parë ngjashëm janë paralajmërimet edhe të accuweather e cila ka ilustruar edhe me fotografi situatën e mundshme dhe rajonet të cilat kanë potencial të goditen nga shiu dhe rrebeshet e rrëmbyeshme.
Sipas Accuweather reshje të dendura shiu dhe rrebeshe lokale do të përfshijnë pjesën më të madhe të Italisë dhe Gadishullit Ballkanik si pasojë e një sistemi të ngadalshëm. Sistemi ajror ciklonik do të stacionohet ashtu siç kemi thënë edhe në për disa ditë mbi rajonin tonë dhe do të jetë i rrethuar dhe i bllokuar nga anticiklonet e fuqishme dhe për këtë arsye do të ketë reshje të mëdha në rajone të njëjta.
Rajonet të cilat do të goditen më së shumti nga reshje dhe stuhi sipas accuweather janë: pjesa lindore e bregdetit italian si dhe pjesa perëndimore e Alpeve Dinarike. Sipas meteorologut të accuweather Tyler Roys do të ketë rrezik edhe për rrëshqitje dheu në këto rajone.
Roma dhe Napoli do të jenë të goditura gjithashtu gjatë dites së nesërme kurse, nga nata e ardhshme dhe e hëna shqetësimi do të drejtohet kah të Bosna dhe Hercegovina, Shqipëria dhe Greqia thekson Accuweather në raportin e saj për ciklonin e fuqishëm.
Një ciklon i përmasave të tilla është një dukuri paksa e pazakontë për jugun e Kontinentit në këtë periudhë kohore. Ky ciklon është tipik i llojeve të cikloneve që shohim gjatë dimrit dhe pranverës së hershme.
Pasi që sistemi do të lëvizë shumë ngadalë, përpos reshjeve të shiut , herë pas here priten edhe shtrëngata apo stuhi të fuqishme me vetëtima dhe bubullimë si dhe erëra të fuqishme.
Është pak a shumë e tëra çfarë kemi thënë edhe ne ditëve të kaluara. Informatat më të freskëta dhe më të zgjeruara do të keni sonte nga meteoballkan./Meteoballkan
