Para nesh është një ciklon nëse mund ta themi paksa jotipik për periudhën kohore në të cilën gjendemi. Ky ciklon pasiqë të shkojë në jug të Italisë nga Deti Adriatik do të forcohet dhe do të drejtohet në drejtim të Ballkanit. Pra pasiqë do të stacionohet në jug të Italisë me qendrën e tij do të përfshijë Gadishullin Ballkanik.
Cikloni do të forcohet pra në jug të Italisë dhe si pasojë do të “përthithë” lagështinë e Mesdheut dhe do ta shpërndajë në drejtim të territoreve tona. Për këtë arsye kjo masë ajrore mjaft e pasur me lagështirë do të na sjellë vranësira të ngarkuara me shi nga jugu dhe juglindja, e nganjëherë edhe nga lindja, kështu që si pasojë pritet të kemi disa ditë me reshje herë pas here intensive atmosferike. Ky ciklon do të jetë i fortë si në shtresat e ulëta po ashtu edhe në shtresat e larta të atmosferës dhe kjo e bënë këtë ciklon paksa të rrezikshëm për disa rajone. Vend për panik asesi nuk ka, por gjithsesi duhet të jemi të kujdesshëm ditëve të ardhshme nga reshjet e dendura të shiut dhe stuhitë e fuqishme lokale. Kujdesi kurr nuk është i tepërt.
Në fund të theksojmë se nga dita e premte do të kemi stabilizim gradual të motit kurse fundjava e ardhshme do të na gjejë me mot me diell, stabil dhe temperatura verore./Meteoballkan
