Vorbulla ciklonike e ciklonit të fuqishëm mesdhetar Melita nga Shqipëria po rrugëton në drejtim të Maqedonisë së veriut dhe greqisë dhe në këtë mënyrë reshjet më të dendura për momentin janë në Maqedoni dhe Kosovë. Ashtu siç kemi paraljmëruar pjesa më e madhe e Kosovës u përfshi nga rrebeshe të fuqishme lokale shiu, kurse tani ka kryesisht reshje shiu të intensitet të ndryshëm. Në këto momente rrebeshe me vetëtima ka në lindje dhe juglinje të Kosovës.
Në anën tjetër rrebeshe të fuqishme shiu kanë përfshirë orët e fundit shumë pjesë të Maqedonisë së Veriut. Cikloni do të “prodhojë” reshje të mëtujteshme atmosferike në Kosovë dhe Maqedoni të cilat herë pas here pritet të jenë të dendura dhe me vetëtima dhe bubullimë. Reshjet do të fillojnë të pushojnë gjatë natës gradualisht. Temperaturat janë ulur dukshëm saqë në viset më të larta malore në Kosovë ka edhe reshje të dendura bore./Meteoballkan
