Siç mund ta shihni edhe vet temperatura në këto çaste thellë në territorin e Rusisë është hiç më pak se -31 gradë Celsius, ndërsa pranvera ka përfshirë pothuajse tërë Evropën.
Temperaturat pranverore kanë depërtuar deri në kryeqendrën ruse Moskë, ku reshjet e borës janë shndërruar në reshje shiu, ndërsa pak më në veri dhe lindje të Moskës gjendet acari ekstrem siberik ende në pritje të ndonjë kthimi të mundshëm në Evropë edhe pse gjasa janë të vogla për shkak të fuqizimit të rrethit polar i cili në momentet kur fuqizohet “thërret” acarin e shpërndarë që të “ngujohet” në kuadër të rrethit polar duke e mbajtur të ngujuar deri dimrin e ardhshëm. Normalisht këto shprehje janë figurative dhe na lejohen nganjëherë ti përdorim.
Gjithsesi kjo nuk do të thotë se dimri ka përfunduar tërësisht sepse gjatë muajti Mars mund të kemi fronte të fuqishme ajrore nga veriu të cilat mund të na sjellin reshje dëbore, por gjasat për një acar i cili do të ishte i qëndrueshëm gjatë muajit Mars janë gjithnjë e më të vogla, megjithatë muaji Mars është i gjatë dhe surprizat mund të mos mungojnë./Meteoballkan
