Sonte në mbrëmje dhe gjatë nates reshjet e shiut do të fillojnë në Shqipëri të cilat pastaj gradualisht do të përhapen në drejtim të Kosovës dhe Maqedonisë së Veriut.
Reshjet më të reja të shiut do ti sjellë cikloni më i ri nga Atlantiku i cili do të stacionohet me qendrën e tij në Detin Jon. Nesër gjatë tërë ditës priten reshje shiu, vende-vende intensive, kurse në viset kodrinore-malore priten reshje bore. Do të fillojnë të fryjnë erëra mesatare, nganjëherë të fuqishme nga veriu. Temperaturat do të shënojnë ulje. E mira e kësaj përpos reshjeve të shiut dhe borës do të jetë edhe përmirësimi i cilësisë së ajrit. Reshjet e borës nesër në mbrëmje mund të paraqitet edhe në disa qytete apo qyteza të Republikës së Kosovës, por të cilat nuk do të jenë të qëndrueshme. Vetëm sa për ta kënaqur syrin pak./Meteoballkan
