Cikloni Gjenovian po depërton direkt në drejtim të rajonit tonë. Në këto çaste ka shumë vranësira të cilat kanë mbërthyer rajonin, kurse në disa vise të bregdetit shqiptar ka edhe rrebeshe të fuqishme shiu me vetëtima dhe bubullimë. Këto rrebeshe do të intensifikohen orëve të ardhshme në Shqipëri dhe njëkohësisht reshje shiu do të fillojnë edhe në Kosovë. Edhe në Kosovë priten reshje të dendura shiu herë pas here por krahasuar me Shqipërinë reshjet në Kosovë do të jenë më të pakta. Në Shqipëri sipas të gjitha gjasave do të ketë edhe vërshime.
Fillimisht në Kosovë reshje të dendura priten në rajonin e Dukagjinit, por gjatë natës dhe nesër reshje të dendura shiu priten edhe në lindje të vendit.
Nesër me uljen e temperaturave në viset kodrinore-malore mund të ketë edhe reshje bore.
