Ashtu siq kemi paralajmëruar sot po vërehet ndryshimi i motit dhe kjo ka ardhur si pasojë e një fronti të ftohtë por të dobët nga veriu. Kemi shtim të vranësirave dhe reshje të dobëta lokale shiu dhe bore.
Ditëve të ardhme do të kemi ulje të mëtutjeshme por graduale të temperatura por do të jenë vranët ndërsa herë pas here do të kemi edhe intervale kohore me diell. Gjatë netëve nëse do të kemi kthjellim dhe mot pa erëra temperaturat do të zbresin nën 0 gradë celsius. Erërat do të vazhdojnë të fryjnë dhe do të vijnë nga veriu dhe veriperëndimi.
Të Dielën si pasojë e depërtimit të masave edhe më të ftohta nga Siberia do të kemi reagimin “reagimin” e Mesdheut ku do të krijohet një ciklon i cili do të sjellë reshje shiu dhe bore fillimisht në jug dhe lindje të Shqipërisë si dhe reshje bore në perëndim të Maqedonisë. Këto reshje bore gjatë mbrëmjes do të përfshijnë edhe Kosovën, pra sipas të gjitha gjasave do ta kemi borën e parë në rajon dhe kjo është mjaft shpresëdhënëse.
Pas ditës së hënë sipas ecurive aktuale do të kemi ndërprerje të reshurave shkurtimisht dhe ngritje të temperaturave ku pastaj do të kemi ciklonin e ri i cili do të na sjellë reshje shiu. Reshjet e shiut do të jenë të dendura dhe të fuqishme në Shqipëri, kurse të intensitet mesatar në Kosovë dhe Maqedoni./Meteoballkan.
