Ishte ky një ndër dimrat më të butë në mbamendje për kontinentin Evropian, megjithatë një masë e ftohtë ajrore nga veriu është duke depërtuar në drejtim të Evropes. Kjo masë e ftohtë ajrore me origjinë polare ka filluar të përfshijë Britaninë e Madhe dhe shumë shpejt do të përfshijë edhe Francën, Gjermaninë, Zvicrën, Austrinë etj. duke kushtëzuar reshjet të dendura bore.
Normalisht reshjet nuk do të jenë gjithëpërfshirëse por këto pritet të jenë reshjet më të mëdha të dëbores në Evropë deri më tani për këtë dimër. Reshje mjaft të dendura bore do të përfshijnë Rajonet Alpine dhe Apenine. Reshje bore priten edhe në shumë ultësira në Britani, Francë e sidomos në Gjermani, Zvicër dhe Austri.
Në këto çaste kemi masat e nxehta ajrore që shtrihen që nga Azoret në Atlantik e deri në Gadishullin Ballkanik, por masa e ftohtë ajrore do të depërtojë edhe në Mesdhe ditëve të ardhshme duke shkaktuar stuhi shiu dhe dëbore në viset kodrinore-malore duke arritur kështu edhe në Gadishullin Ballkanik.
Edhe Shqipëria, Kosova dhe tërë rajoni do të kemi ndryshime të kushteve sinoptike me reshje shiu, por edhe dëbore në viset kodrinore-malore. Reshjet e borës do të paraqiten shkurtimisht edhe në disa ultësira në Republikën tonë të Kosovës.
Detaje tjera në postimet tona të ardhshme./Meteoballkan
Image by: Windy
