Sistemet e fuqishme ajrore ciklonike nga Atlantiku jugor dhe Mesdheu kanë filluar të dobësohen, po ashtu edhe super-cikloni Filomena po dobësohet megjithatë ndikimi i tij do të jetë ende prezentë me reshje të herë pas hershme bore.
Lajm jashtëzakonisht i mirë është se intensiteti i reshjeve do të ulet, përkohësisht do të ndalen krejt, për të rifIlluar nga e mërkura me reshje të herëpashershme bore në Kosovë, pjesë të Shqipërisë dhe Malit të Zi dhe Maqedonisë Veriut.
Gjatë mesjavës dhe fundjavës do të kemi fuqizim të fronteve polare të cilat do të shkaktojnë ulje të mëdha të temperaturave minimale dhe maksimale. Tl mërkurën dhe të enjtën priten reshje të herëpashershme bore, ndërsa nga e premtja pason depërtimi i acarit siberik me temperatura të cilat mund të ulen deri në – 20 gradë Celsius në disa vise
Ky acar do të përcillet edhe me fjolla sporadike bore, por bora që do të bije gjatë së mërkurës dhe së enjtes do të krijojë shtresa të reja në shumicën e territorit të Republikës së Kosovës, Maqedonisë dhe pjesë të Shqipërisë, edhe pse trashësia e borës nuk pritet të jetë e madhe./Meteoballkan