Të paktën 832 njerëz kanë mbetur të vdekur në një tërmet të fuqishëm që më pas u pasua nga një cunami që goditi qytetin Palu në ishullin indonezian të Sulawesi. Bilanci më i fundit i viktimave është shpallur nga agjencia kombëtare e ndihmës për katastrofat indoneziane.
Agjencia vuri në dukje se, sipas vlerësimeve, zona e prekur ishte më e madhe se sa ishte menduar fillimisht, njofton MeteoBallkan.
Shumë njerëz kanë mbetur të zhdukur nën rrënojat e ndërtesave, tha një konferencë për shtyp Sutopo Purvo Nugroho, një zëdhënës për agjencinë. Nugroho shtoi se pas tërmetit prej 7.4 shkallë të Richterit kanë ndodhur edhe 170 dridhje të tjera të vogla të tokës.
Ekipet e shpëtimit po kërkojnë njerëz të varrosur nën rrënoja gjersa mungesa e makinerive dhe personelit po ngadalëson punën.
Reuters raporton se numri i viktimave pritet të vazhdojë të rritet. Besohet se dhjetëra njerëz u bllokuan nën rrënojat e dy hoteleve në Pal, qytet ky që u godit nga valë të larta deri në gjashtë metra pas tërmetit. /MeteoBallkan
