Pas dy ditëve me erëra dhe shi, Kroacia dhe Bosnjë e Hercegovina janë përballur me përmbytje të mëdha. Drama më e madhe po zhvillohet në pjesët qendrore të Kroacisë dhe në veri të Bosnjës dhe Hercegovinës.
Në afërsi të Karlovacit në Kroaci, një fshat i tërë është nën ujë, dhe në veri të Bosnjës, disa vendbanime kanë mbetur të bllokuara tërësisht. Në zonën e Novi Gradit në Republikën Srpska, lumenjtë dolën nga shtrati duke përmbytur disa shtëpi, shkruan index.hr, transmeton Reporteri.net.
U Hrvatskoj rastu vodostaji rijeka https://t.co/Jpu9BHxeRp pic.twitter.com/G8C4iMZRKC
— BN PORTAL (@rtvbn1) May 14, 2019
Në Kroaci, kulmi i niveleve të ujit në lumenjtë Kupa dhe Korana në Karlovac pritet sot, por drama reale me përmbytjet po zhvillohet në rrjedhën e sipërme të lumit Korana, në komunën e Rakovicës. Sipas faqes së Facebook-ut të kësaj komune, fshati Korana është tërësisht nën ujë. Zjarrfikësit shpëtuan tetë turistë nga vendpushimi turistik i përmbytur.
Rrugët e Zagrebit janë të mbushura me degë të thyera si pasojë e erërave të fuqishme, ndërkohë që edhe transporti është vështirësuar. Policia i paralajmëroi qytetarët të mos dilnin pa nevojë. Instituti Hidrometeorologjik i Shtetit lëshoi ??paralajmërime për pothuajse të gjithë vendin për shkak të mundësisë së erërave të forta dhe reshjeve ekstreme.
Situata më e rënduar paraqitet në veri të Bosnjës
Shiu i madh në Bosnje dhe Hercegovinë gjithashtu shkaktoi përmbytje. Gjendja më e rënduar në këtë vend është në veri të BiH, si dhe në pjesët qendrore. Disa vendbanime në veri të Bosnjës kanë mbetur të shkëputur tërësisht nga pjesa tjetër e vendit, sepse të gjitha rrugët janë të përmbytura dhe krejtësisht të pakalueshme. Qytetarët raportojnë gjithashtu probleme me furnizimin me ujë, por edhe me energji elektrike.
Për shkak të përmbytjeve mësimi në shumë shkolla është ndërprerë.
Naš saradnik @space_geronimo donosi nam kadrove iz Čelinca #Poplave pic.twitter.com/TV1aEk47zZ
— Mondo (@MondoBH) May 13, 2019
