Britania e Madhe ka përjetuar më shumë ekstreme të motit gjatë 10 viteve të fundit në krahasim me dekadat e mëparshme, thuhet në një raport të nxejerrë nga MetOffice, njofton MeteoBallkan. Ditët më të nxehta janë bërë pothuajse 1C më të nxehta, ndërsa ditët e ftohta më nuk janë aq të ftohta.
Numri i të ashtuquajturave netë tropikale – kur temperaturat qëndrojnë mbi 20 ° C – po rritet. MetOffice thotë se këto ndryshime janë në përputhje me ngrohjen e nxitur nga aktivitetet njerëzore. Studimi i ri krahason të dhënat e motit në Mbretërinë e Bashkuar nga periudha 1961-1990 me 10 vitet midis 2008 dhe 2017.
Studimi tregon se mesatarisht dita më e nxehtë në çdo vit gjatë periudhës së fundit 10-vjeçare është 0.8C më e ngrohtë në krahasim me dekadat e mëparshme. Ditët dhe netët më të ftohta po ashtu janë bërë më të ngrohta, me temperaturat mesatare 1.7C më të buta në vitet e fundit.
Për të ilustruar sa të buta kanë kanë qenë temperaturat midis viteve 2008 dhe 2017, raporti thotë se një zonë e rëndësishme në brendësi nga bregu i Britanisë së Madhe, kishte mesatarisht më pak se një ditë në vit me temperatura nën zero.
Një gjetje intriguese ka të bëjë me ato që quhen netë tropikale, kur temperaturat qëndrojnë mbi 20 ° C. Në 30 vitet midis 1961 dhe 1990 ka pasur vetëm tetë netë që tejkalojnë atë shenjë. Në 10 vitet midis 2008 dhe 2017, ka pasur katër netë të tilla. Në 2018, e cila nuk është e përfshirë në studim, ka pasur dy netë të ngrohta me temperatura që kanë qëndruar mbi 20 ° C. MetOffice thotë se shpreson të shohë më shumë netë tropikale, pasi klima jonë vazhdon të ngrohet. Këto mund të jenë një rrezik i madh për njerëzit e moshuar. /MeteoBallkan/
