Britania e Madhe ka shtuar edhe një simptomë të re në listën e COVID-19.
Humbja e ndjenjës së erës ose shijes i është shtuar listës zyrtare të simptomave të koronavirusit në Mbretërinë e Bashkuar, tha të hënën Departamenti i Shëndetit dhe Kujdesit Social, raporton Cnn.
Një deklaratë e qeverisë thoshte “nga sot të gjithë individët duhet të izolohen nëse zhvillojnë një kollë të ri të vazhdueshme ose ethe ose anosmia (humbje e nuhatjes)”.
Anosmia i referohet humbjes ose ndryshimeve në ndjenjën e nuhatjes së një personi. Sipas departamentit të shëndetësisë, “mund të ndikojë gjithashtu në ndjenjën tuaj të shijes pasi të dy janë të lidhur ngushtë”.
Zyrtarët kryesorë mjekësorë për të katër kombet e Mbretërisë së Bashkuar miratuan këtë zgjerim të simptomave, duke thënë se ata “kanë qenë duke monitoruar nga afër të dhënat dhe provat e shfaqura në Covid-19 dhe, pas shqyrtimit të plotë … tani janë të sigurt sa duhet për të rekomanduar këtë masë të re “, thuhet në deklaratë.
Anosmia u shfaq si një simptomë e mundshme Covid-19 në mars, kur mjekët në Shtetet e Bashkuara kërkuan që ajo të shtohet në “listën e mjeteve të shqyrtimit” për Covid-19.
Rreth të njëjtës kohë, ENT UK, një organizatë profesionale që përfaqëson kirurgët në vesh, hundë dhe fyt në Mbretërinë e Bashkuar, tha në një deklaratë në faqen e saj të internetit se anosmia mund të jetë një tjetër simptomë e infeksionit me virusin.
