Sot në Kosovë do të mbajë mot mjaft i paqëndrueshëm, me vranësira të dendura dhe reshje shiu e bore. Paradite, vende-vende priten edhe erëra të fuqishme veriore gjatë kalimit të frontit të ftohtë ajror. Fillimisht priten reshje shiu, ndërsa me uljen e temperaturave në shumë zona priten edhe reshje të përziera dhe reshje bore, por nuk priten reshje bore në tërë territorin dhe po ashtu nuk pritet që reshjet e borës të zgjasin shumë.
Në Shqipëri, Maqedoninë Veriore, Mal të Zi dhe Luginën e Preshevës pritet të mbajë mot i vranët dhe me reshje shiu. Në viset kodrinore-malore priten edhe reshje bore, ndërsa në disa zona priten edhe rrebeshe lokale shiu me vetëtima dhe bubullimë. Erërat veriore do të jenë të fuqishme sidomos në veriun e Shqipërisë, lokalisht edhe në vise tjera.
Nga e mërkura na pret mot më i ftohtë sidomos netët dhe mëngjeset pritet të jenë me ngrica. Gjatë ditës priten vranësira dhe intervale kohore me diell si dhe në disa zona reshje afatshkurtra shiu e bore. Të Premtën pak më ngrohtë, ndërsa për fundjavë (të dielën) pritet të kemi reshje shiu e bore./MeteoBallkan
