Sot në Kosovë pritet të mbajë mot me vranësira dhe intervale kohore me diell. Temperaturat pritet të shënojnë ulje dhe vende-vende priten riga kryesisht të dobëta shiu. Në viset malore fjolla afatshkurtra bore.
Në Shqipëri dhe rajon pritet të mbajë mot me intervale kohore me diell dhe vranësira të shpeshta. Vende-vende priten riga lokale shiu dhe fjolla bore në viset kodrinore-malore. Temperatura shënojnë ulje kryesisht të lehta.
Ditëve të ardhshme na pret mot pak më i ftohtë dhe kryesisht i thatë. Priten intervale kohore me diell dhe vranësira të herëpashershme. Temperaturat pritet të pësojnë ulje sidomos në vlerat minimale dhe pritet të lëvizin nga -2 deri në -7 gradë Celsius. Ato maksimale deri në 8 gradë Celsius. Ndjesinë e të ftohtit do të shtojnë erërat e ftohta nga veriu dhe lindja./MeteoBallkan
