Sot në Kosovë na pret mot me intervale të gjata kohore me diell dhe vranësira lokale. Mëngjesi pritet të jetë i ftohtë dhe vende-vende ka rrezik potencial për brymë, me temperatura deri afër -2 gradë Celsius, ndërsa gjatë ditës rritje të ndjeshme të temperaturave.
Në Shqipëri dhe rajon pritet të mbajë mot me vranësira dhe intervale kohore me diell. Ende në disa vise të Shqipërisë dhe Maqedonisë së Veriut priten riga të dobëta shiu të cilat do të pushojnë edhe në ato rajone dhe pastaj pritet kthjellim i motit në tërë rajonin. Temperaturat shënojnë rritje në tërë rajonin.
Të mërkurën na pret ditë e ngrohtë pranverore, me rreze të shumta diellore dhe vranësira të pakta lokale. Erërat do të fillojnë të fryjnë nga jugu dhe temperaturat pritet të arrijnë dhe ndoshta edhe të tejkalojnë shifrën 20. Në mbrëmje dhe shtim i vranësirave dhe riga lokale shiu.
Të enjtën na pret mot jo-stabil, me intervale të shkurtra kohore me diell dhe zhvillime të vranësirave të cilat pritet të kushtëzojnë reshje lokale shiu. Vende-vende ka gjasa për rrebeshe intensive shiu me vetëtima dhe bubullimë.
Nga e premta rikthehet moti i ngrohtë pranveror, ndërsa reshjet e shiut rikthehen përsëri të dielën./MeteoBallkan
