Sot në Kosovë do të mbajë mot kryesisht i vranët dhe me reshje shiu. Reshje pak më intensive shiu priten pasdite dhe në mbrëmje dhe ka gjasa edhe për rrebeshe lokale me vetëtima dhe bubullimë. Temperaturat pritet të lëvizin nga 12 deri në 17 gradë Celsius.
Në Shqipëri dhe rajon do të mbajë mot kryesisht i vranët dhe vende-vende me reshje shiu. Reshje më intensive dhe rrebeshe priten në Shqipëri.
Të martën do të mbajë mot kryesisht i vranët paradite dhe vende-vende me riga shiu. Pasdite dhe në mbrëmje priten intervale kohore me diell dhe njëkohësisht në disa rajone riga të izoluara shiu.
Nga e mërkura priten rritje graduale të temperaturave. Priten më shumë intervale kohore me diell, por moti nuk do të jetë krejtësisht stabil, ngase në disa rajone ende herë pas here priten riga dhe rrebeshe lokale shiu me mundësi për vetëtima dhe bubullimë./MeteoBallkan
