Sot në Kosovë do të mbajë mot me intervale të gjata kohore me diell dhe vranësira të herëpashershme lokale. Pasdite priten disa zhvillime të vranësirave konvektive që mund të kushtëzojnë ndonjë rrebesh të izoluar shiu me vetëtima dhe bubullimë kryesisht në viset kodrinore-malore. Temperaturat pritet të lëvizin nga 4 deri në 22 gradë Celsius.
Në Shqipëri dhe rajon pritet të mbajë mot më i ngrohtë, me intervale të gjata kohore me diell dhe vranësira të herëpashershme lokale. Ende mbesin gjasa për riga ose ndonjë rrebesh të izoluar shiu në disa rajone.
Mot i ngrohtë, me intervale të gjata kohore me diell dhe zhvillime të izoluara na pret edhe të enjtën, ndërsa të premtën pritet të kemi shtim më të madh të vranësirave që vende-vende mund të kushtëzojnë reshje shiu dhe rrebeshe lokale me vetëtima dhe bubullimë. Reshjet nuk pritet të jenë gjithëpërfshirëse.
Për fundjavë na pret mot i ngjashëm, me alternime mes vranësirave, intervaleve kohore me diell dhe reshjeve të izoluara./MeteoBallkan
