Sot në Kosovë na pret mot mjaft i ngrohtë për këtë periudhë kohore. Priten mot kryesisht me diell dhe stabil.
Mëngjesi do të jetë i ftohtë, me temperatura afërissht nga -2 deri në 1 gradë Celsius, ndërsa temperaturat ditore shënojnë rritje të ndjeshme afërsisht deri në 18 gradë Celsius.
Në Shqipëri dhe tërë rajonin tonë sot pritet të mbajë mot kryesisht me diell dhe mjaft i ngrohtë për këtë periudhë kohore. Nën ndikimin e fortë anticiklonik gjatë ditës pritet mot i kthjellët dhe i ngrohtë, me temperatura ditore deri afër 20 gradë Celsius në shumë rajone.
Mot i ngjashëm pritet edhe ditëve të ardhshme, ndërsa erërat jugore e jugperëndimore do të vijnë duke u fuqizuar gradualisht. Nga e enjta priten edhe vranësira të herëpashershme lokale, ndërsa afër fundjavës priten riga të dobëta lokale shiu vetëm në disa vise.
Përkeqësim të motit sipas ecurive aktuale sinoptike mund të kemi të dielën./MeteoBallkan