Sot në Kosovë pritet të mbajë mot me alternime mes vranësirave dhe intervaleve të gjata kohore me diell. Mëngjesi pritet të jetë mjaft i ftohtë dhe mundësi për mjegull dhe acar, ndërsa gjatë ditës pritet mot kryesisht stabil me fuqizim gradual të erërave jugperëndimore.
Në Shqipëri pritet të mbajë mot me alternime mes kthjellimeve dhe vranësirave. Mëngjesi pritet të jetë me acar në viset kodrinore-malore dhe lokalisht edhe në viset e ulëta në pjesët kontientale. Dita kryesisht stabile dhe pa reshje atmosferike, megjithatë në mbrëmje vonë në veri mund të ketë riga shiu ose fjolla bore. Mot i ngjashëm sikur në Shqipëri nesër pritet në Mal të Zi ku në mbrëmje priten reshje lokale shiu e bore.
Në Maqedoninë Veriore dhe Luginë pas mëngjesit me acar pritet mot kryesisht stabil gjatë ditës me intervale të gjata kohore me diell.
Të enjtën më ngrohtë. Në Shqipëri, Mal të Zi dhe Dukagjin me riga shiu dhe fjolla bore në viset malore. Në viset tjera me vranësira dhe intervale kohore me diell. Vende–vende pritet të ketë fuqizim të erërave jugore. Në skajin jugor dhe verior të Shqipërisë mund të ketë rrebeshe intensive shiu.
Të Premtën pritet të ketë shtim të vranësirave në tërë rajonin me reshje lokale shiu. Në mbrëmje priten edhe reshje bore./MeteoBallkan
