Sot në Kosovë pritet të mbajë mot me intervale kohore me diell dhe shtim gradual të vranësirave. Mëngjesi pritet të jetë me acar dhe i kthjellët, me mundësi për mjegull ose vranësira të ulëta në disa rajone. Gjatë ditës do të fillojnë të fryjnë erëra nga jugperëndimi të cilat në disa lokacione mund të jenë të fuqishme. Pasdite do të fillojnë të depërtojnë vranësira, fillimisht në Dukagjin e pastaj deri në orët e vona në tërë territorin. Në Dukagjin do të ketë edhe riga lokale shiu. Gjatë natës nga veriu do të vijë deri te depërtimi i frontit të fuqishëm të ftohtë ajror ku priten reshje bore në gati tërë territorin. Gjatë dhe pas kalimit të frontit herë pas here priten reshje të dendura bore të cilat pritet të zgjasin vetëm disa orë.
Në Shqipëri pritet të ketë shtim të vranësirave dhe riga lokale shiu. Në viset malore reshje bore. Gjatë natës reshje bore në veri, verilindje dhe lindje të vendit. Në viset tjera reshje lokale shiu.
Në Maqedoni gjatë ditës pritet mot kryesisht me diell dhe relaitishti i ngrohtë për këtë periudhë kohore. Gjatë natës përkeqësim gradual i motit me reshje bore të cilat pak më intensive prite të jenë në perëndim të vendit. Reshje të dendura bore nesër vonë priten në veri të Malit të Zi si dhe gjatë natës edhe në Luginën e Preshevës. Temperaturat pas rritjes gjatë ditës shënojnë ulje të ndjeshme gjatë natës dhe të premtën.
Të premtën na pret mot i ftohtë. Paradite ende me reshje lokale bore. Pasdite reshjet pushojnë dhe pason kthjellim i i pjesshëm i motit.
Fundjava dhe fillimi i javës së re me mot të ftohtë, por edhe me shumë intervale kohore me diell në disa rajone, kurse në disa vise të Kosovës, veri të Malit të Zi, lindje, juglindje dhe verilindje të Shqipërisë dhe disa vise të Maqedonisë së Veriut herë pas here priten reshje bore. Temperaturat pritet të shënojnë ulje të ndjeshme./MeteoBallkan
