Sot në Kosovë na pret mot i ndryshueshëm. Paradite ende i ngrohtë, me intervale kohore me diell dhe vranësira. Pasdite shtim i vranësirave dhe pastaj pritet të fillojnë edhe reshjet e shiut. Në mbrëmje me uljen e temperaturave priten edhe reshje bore. Në disa intervale vende-vende priten reshje të dendura ose nëse mund të themi estetike bore, por të cilat nuk pritet të zgjasin shumë. Në disa ultësira të Dukagjinit nuk priten reshje bore.
Reshje bore pritet të ketë edhe në veriun e Malit të Zi dhe (në mbrëmje) verilindje të Shqipërisë. Në viset tjera të rajonit pas një paraditeje ende të ngrohtë, pasdite dhe në mbrëmje përkeqësim gradual i motit me reshje lokale shiu. Në bregdet edhe rrebeshe me vetëtima dhe bubullimë. Në juglindje të Shqipërisë dhe Maqedoni kryesisht ende pa reshje.
Nga e premta na pret mot jo-stabil, me vranësira dhe ulje të temperaturave. Priten edhe reshje atmosferike të herëpashershme. Në Kosovë të premtën kryesisht thatë, por ftohtë me ndonjë reshje sporadike. Reshjet lokale rikthehen nga e shtuna të cilat pritet të jenë edhe në formë të shiut për shkak të një rritje të shkuktër të temperaturave, por përsëri gjatë fundjavës pritet të shndërrohen në borë.
Në Shqipëri dhe Maqedoni për fundjavë kryesisht vranët dhe me reshje shiu. Në viset malore reshje bore./MeteoBallkan
