Një ciklon i cili pritet të shkaktojë stuhi mjaft të fuqishme në Itali të entjën pritet të arrijë edhe në Shqipëri, por në formë dukshëm më të dobët krahasuar me Italinë.
Cikloni pritet të arrijë në Shqipëri orët e hershme të mëngjesit të së premtës duke kushtëzuar rrebeshe lokale shiu me vetëtima dhe bubullimë, ndërsa temperaturat shënojnë ulje në tërë rajonin. Rrebeshe shiu priten në Kosovë dhe Maqedoninë Veriore edhe të enjtën pasdite, vende-vende intensive në orët e vonshme, ndërsa të premtën cikloni përfshinë edhe Shqipërinë duke shkaktuar edhe atje stuhi dhe rrebeshe kalimtare shiu.
Siç theksuam më lartë stuhitë pritet të jenë shumë të fuqishme dhe me reshje të rrëmbyeshme në Itali, ndërsa në viset tona priten po ashtu stuhi lokale, por jo të forta sikur në territorin italian.
Temperaturat pritet të shënojnë ulje në tërë rajonin të premtën duke përfshirë edhe bregdetin shqiptar, ndërsa kushtet sinoptike do të përmirësohen nga e shtuna në bregdet, por edhe në kontinent, megjithatë, mbesin gjasa për ndonjë rigë dhe rrebeshe të izoluara edhe gjatë ditës së diele dhe në fillim të javës së re./MeteoBallkan
