Vjeshta klimatologjike e këtij viti në territorin e Malit të Zi, deri në fillim të dekadës së tretë të nëntorit, ishte një nga tre vjeshtat më të thata në 70 vitet e fundit (1953 dhe 2011). Pastaj vetëm për një ditë gjithçka ndryshoi. Të martën, më 20 nëntor, një sasi shumë e madhe shiu ra në Malin e Zi. Sipas të dhënave të disponueshme nga 31 stacionet meteorologjike, reshjet mesatare 24-orëshe (deri në orën 7:00 të datës 21.11.2018) janë deri në 113 litra për metër katror, shkruan Crometeo, njofton MeteoBallkan.
Shiu më i madh, madje 267 mm, ra në Njegusha. Në Herceg Novi, reshjet ishin 248 mm. Kjo është më shumë se mesatarja për muajin nëntor, që është 164 mm shi. Muaji me më së shumti reshje shiu i vitit është dhjetori, ku mesatarja e reshjeve ishte 235 mm. Në Budva ra 222 mm shi. Më shumë se 100 mm shi ka rënë tashmë në 10 stacione meteorologjike.
