Nesër në Kosovë pritet të kemi ndryshim të motit me shtim të vranësirave dhe riga lokale shiu. Reshjet parashihet të jenë të pakta dhe të karakterit lokal dhe pritet të jenë të pranishme kryesisht orëve të mëngjesit dhe paradites.
Gjatë ditës kryesisht pa reshje dhe me intervale të gjata kohore me diell, megjithatë mund të ketë ndonjë reshje të izoluar.
Temperaturat parashihet të lëvizin nga 8 minimalja deri në 22 gradë Celsius ajo maksimale.
Në Shqipëri në mëngjes parashihen vranësira dhe riga lokale shiu, kurse gjatë ditës me diell dhe vranësira lokale. Reshjet do të jenë të pakta. Po ashtu edhe në Mal të Zi Luginë të Preshevës dhe Maqedoninë Veriore paradite më shumë vranësira e mundësi për ndonjë rigë shiu, kurse pasdite më shumë diell dhe vranësira të pakta lokale.
Të premten vranësirat kthehen përsëri me reshje lokale shiu orëve të pasdites dhe mbrëmjes. Reshjet do të jenë pak më intensive. Në jug të Shqipërisë parashihen kushte rrebeshe lokale shiu me vetëtima dhe bubullimë dhe ka mundësi që të ketë rrebeshe intensive.
Reshjet lokale të shiut parashihet të ketë edhe gjatë natës dhe mëngjesit së së shtunës në shumë rajone.
Vranësira të shumta priten edhe ditën e shtunë me reshje lokale shiu dhe mundësi për rrebeshe lokale me vetëtima dhe bubullimë kryesisht në Maqedoninë Veriore dhe pjesë të Republikës së Kosovës.
Të dielën na pret mot më stabil dhe më i ngrohtë. Priten periudha të gjata me diell, por me mundësi për vranësira lokale e ndonjë rrebesh të izoluar shiu./MeteoBallkan
