Ky dimër po vazhdon me ashpërsinë e tij të madhe në Rusi dhe Skandinavi ku përpos reshjeve rekorde të borës temperaturat kanë pësuar ulje ekstreme në shumë zona të këtyre rajoneve. Në Siberi në zonën e Jakutisë temperatura është ulur deri në -60 gradë Celsius një ekstrem ky edhe për standardin Siberian. Temperatura shumë të ulëta kanë mbërri deri në jug të Rusisë dhe lindje të Evropes.
Ditë më parë temperatura polare përfshinë edhe Evropen, por tani kemi aktivizimin e Atlantikut i cili kushtëzoi rritjen e temperaturave në Evropë. Erërat e ngrohta zonale perëndimore që vijnë nga Atlantiku kanë rritur temperaturat në Evropë dhe do të jenë përgjegjëse për rritjen e temperaturave edhe në Ballkan javën e re dhe deri atëherë mund ti përjetojmë dy ose tri ditë me atmosferë pak a shumë dimërore.
Temperatura paksa më të buta shumë shpejtë do të arrijnë nga Evropa në Skandinavi dhe Rusi së bashku me ciklone shumë të fuqishme nga Atlantiku dhe kjo do të ndikojë në rritje e temperaturave dhe zbutjen e acarit ekstrem atje të paktën përkohësisht, por shumë zona priten reshje të dendura bore, ngase përkundër rritjes së temperaturave dhe zbutjes së acarit ekstrem ato nuk pritet të dalin në “plus”.
Bora rekorde që po bjen në Rusi do të vazhdojë edhe ditëve të ardhshme, por jo me intensitet shumë të lartë.
Në viset tona dy tri ditë të ftohta dhe me reshje lokale bore. Java tjetër rrit temperaturat përkohësisht deri sa frontet e fuqishme nga ciklonet skandinave arrijnë pas disa ditëve duke destabilizuar motit përsëri dhe atë mjaft fuqishëm./MeteoBallkan
